دور عليها مع انه عارف مكانها ...ولما شافها عاتبها وسألها .. ليه سبتي البيت
قالت اسفه فجأءه مابقاش مكاني...ياااه انت لسه فاكر دلوقتي ..يادوب خدت بالك
اني مش موجوده ...قالها يابنتي انتي بجد مجنونه ست حقيقي مش معقوله
بتغيري من مين من سكرتيره مجرد سكرتيره بتشوف لي شغلي
انت فين وهيه فين...
صعبت عليها نفسها بصت له بصه هو بس اللي بيعرف معناها
ماهو كل مره بتقولي كده دي يابنتي سكرتيره مش اكتر ولما اعرف الاكتر
ترجع تقولي اه بس بحبك انتي ...
رد عليها وقالها يابنتي بس افهمي البيت كان بيتك سبتيه ليه
انا سبته ياحبيب عمري لانه مش بيتي خلاص سكنت فيه واحده غيري
مش محتاجه انك تقولي ...ولو دريت ما انا قلبي حاسس والله حاسس
عارف ضعفي كل مره بيرجعني تاني ليك ,,,المره دي انتي فيك حاجة متغيره
فيك شيئ ضاع من ايديه بدور عليه بفتش جواك مش لاقيه ... الحنين اللي
كان جواك ليه اختفي ... حتي دمعه عيني ديه مش عليك ...لا للاسف عليه انا
كنت فاكره اني عمر ما واحده تاني تاخد مكاني ,,,بس طلعت غلطانه خرجت
من بين اديك بجد مكسوره .....مشروخه...
انتي بجد ست مش طبيعيه انتي دماغك دي فيها ايه وغيرتك دي سببها ايه
دي واحده زي اي واحده ,,,بس شغلي معاها تمام..
اااااااااااه برضوا واحده كان نفسي تقولي تمشي هيه وابقي انتي كان نفسي تقولي
ما حد ابدا هيعوضني عنك ,,,كان نفسي في حاجات كتير .. كان نفسي اعاند
كان نفسي اكابر ... ولو هربت منك ,,مالقاش غيرك اشكي له زي زمان... لسه
فاكر ولا برضوه ده نسيته ..
قولي يالا اخر كلام ... هترجعي ولا يالا اقول سلام ..احترميني بقي شوية
,,,لا ياعمري ياحب عمري يا كل حسي في الدنيا ديه .. عشقي ده ليك
قلبي ليك .. وبين ايديك انا كلي ليك.. وجوه قلبي زرعت نفسك ..روحي تروح لك
تحرسك لياليك خليك معاها عوضني بيها .. بس افتكر انا خلاص لما ترجع
هتلاقي قلبي خلاص نسي...هتلاقي حبك جوه اتمحي..
بس عشاني ليه رجاء اوعي تنسي قلبي عمره ما حب غيرك ..
وما تبقي تقول بحبك ابقي افتكرني ... وقول عبيطه ...لما تشتاق تشوفها
ابقي افتكر انك بعتني ... ابقي افتكر دمعه عنيه وليله صعبه عدت عليه
وف ليالي الشتا قول في يوم سئلت عليه ,,,
بيت خلاص انا سبته ليها .. خليها فيه تعشق لياليه واياك في يوم تسال عليه
مش كل ما انسي ترجع لي تاني وتقول عبيطه دمعتها ديما بتجري ليه
اصلي بحبك هبفضل احبك لكن خلاص جواك حاجة بدور عليها ضاعت ومش لاقيها
ياكل عمري
,,,,,,,,,,,,,,,,,,,,,,,,,,,,,,,,,,,,,,,,,,
مجرد قصه ,,,لكن فيها كتير بجد حصل مع تغير بعض الاشياء
ليست هناك تعليقات:
إرسال تعليق