حكايه لا تنتهي (عــســـ سيدة القلم ــــوله)

**************
فى ركن بعيد كان بين أصابعها فنجان قهوه . هيه نفسها ما كانت حاسه بطعمه رغم انها اول مادخلت

طلبته كأنها عايزة تنفرد بنفسها ..مدت أيديها ورجعت الفنجان تاني ...فكرها مشغول ! ملت من كل شيئ.

..من ضعفها ومن عدم رضاها عن حياتها امتى اتبدلت وبقت شخصيتها كده ؟ مسخ ايوه صح مسخ ..

 عمرها ما اختارت شيئ حتي الراجل اللي بيشاركها حياتها عمره ما سألها هيه راضيه ولا لا 

فى الاساس يعني هو ما كان مهتم ما دامت لم تعلن هو ما بيهتم .. انشعلت بالكام شعره اللي بدءو

 يظهروا علي رأسها كأنهم يعلنوا رايه العصيان عليها .. لكن في لحظه قررت تغي كل شيئ وتعلن عن 

قرارها ايوه قرارها مش هتكمل في الحياه معاه هتبدءمن جديد حتي لو لوحدها ... 

خلعت الدبله من اصبعها ومسكت فنجان القهوه يااه مر اووي عمرها ما كانت بتحب القهوه مره 

بس يكن كل شيئ تساوي
وما خدت بالها انها بقت بتشرب القهوه مره .. وفى عز تفكرها رن موبيها .. ايوه ياهانم انتي فين ..

 ايوه ياحبيبي معلش كنت بشتري شويه حاجات خمس دقايق هكون في البيت .. طيب ما تتأخرى

 انا هوصل بعد نص ساعه ونازل تاني سمعتي .. ايوه ايوه حاضر سمعت هكون في البيت قبلك ... 

ههههه ضحكت من غبائها ؟ ما قدرت تواجهه ورجعت تاني تلبس الدبله وباعت باقي سنين عمرها الباقه ..

اخر فرصه ليها للهروب من سجن الزوجيه باعتها عشان واحد اصلا ما حاسس بيها ؟؟؟

 كانت فكره ان لحظة الخلاص جت لكن كانت واهمه جبانه كما هي عادتها