يا مصر ليه لون السواد بقي لونك
وكل ماتغيري التوب من تاني يحلا لك
وحضنك ليه ناكر دايما بقي ولادك؟؟...
اتغربوا يابلدي... لا وكمان حاربوا
ماتوا بعيد عن حضنك ... امتي بقي تحني؟؟
اه منك يابلدي ... توب السواد بقي لونك
وكل يوم.. في التراب تدفني ولادك...
خلاص بقي يا امي ... احضني ولمي
من امتي كنتي كده ... ولا الولاد زادوا
والهم علي كتفك زاد وجعه كفي
خلاص بقي يامصرلا تحضني ولادك...
ياتاكلي بقي همك
من امتي يا امي ... الهم بقي همك
حتي في رفح هناك ...بعدتي ليه عنهم
بعتي ليه همك ... وهما ابدا ماباعوا
دا الهم فيهم استكفي ...
كفايه بقي يا امي احضني ولمي
غيري لون السواد ...
مالكش علي خدك ...
لوني بقي لون الحداد
خلي الزفاف يومك
فرحي ولادك
لبسي بنتك بايدك الطرحه
واحضني ابنك وملي عليه فرحه
اهمنك انتي ...ايه مشتاقه لدموعك
ماتغيري لونك ...كفايه بقي توبك
لون حزين يا امي ....وقلبي استكفي
ولادك اشتاقوا لبوسه علي كفك
للمسه في حضنك ... كفايه بقي ياما
اللون ده مش لونك .....ولادك استكفوا
لون الفرح لونك .... والسعد كان يومك
مين عنده ولادك ... ولا البلد باعت؟؟
لا اوعي مره تقولي الام في يوم باعت
مصر ابدا ماباعت ولا قلبها يقسي
دا ياما اتحملت ... والحمل كان غالي
ارجعي وضمي... دول بس هما ولادك
لا مرسي ولا مبارك ولا خسيس خانك
دول هما الشهداء وغيرهم ياما ولادك
ارجعي بقي وضمي ...
ليست هناك تعليقات:
إرسال تعليق