اصعب شيئ لما تلاقي اي حد ممكن يحل مكانك
وان وجودك او عدم وجودك سيان عند الناس
او انك لو اتقلعت من جذورك بسهوله مكن حد يزرع حد تاني مكانك
او ان الموسيقي اللي ممكن تعزفها غيرك ممكن يلحن اجمل منها
صعـــــــــــــــب اوي
ان حد يبقي مهم عندك ( وانت تبقي اي حد بالنسبه له)
وكمان صعب انك لو غبت يبقي ولا حاسس بغيابك
بس مع كل الصعوبات دي بتمر الايام ويسقط مننا ناس غالين علينا
ماتعرفش وانت بتبكي عليهم بتبقي علي غيابهم و بتكبي علي حالك
طب لو بتبكي علي حالك لغايه امتي ممكن تفضل تبكي
ولغايه امتي ممكن دموعك ماتنشفش
ولو حسيت بحنين ناحيتهم ياتري تقولهم ولا البعد والسكوت اسلم حل
طب ولو حاسس انك بجد تعبان هيكون ايه شعورك ومين ممكن يخفف ده
ولو طلعت نفسك بره دايره الحياه وبصيت علي الناس هيكون ايه تعليقك عليهم
هتلتمس لهم الاعذار ولا هتتغير نظرتك بجد وتبقي مرتاح اكتر؟
بجد اسئله كتير واعتقد ان مالهاش اي معني
بس اهو مجرد كلام وحروف بدل مانكلم نفسنا
اعتقد اننا كلنا او انا علي الاصح اصبحت مريضه نفسينا بجد
ليست هناك تعليقات:
إرسال تعليق