كلما فتحت دفتري وجدتك تطل منه
فأغلقه بسرعه خوفا من ان تري دموعي
وتعلم مدي احتياجي اليك
كلماتاّ هي اوصف التي بها مشاعري ... خلجاتي هي ما تحكي ... وانا مجرد قلم يعبر فقط اتمني ان تكون حكايات سعيده وحروف فرحه ... واشهد ان ما املكه هو مجرد قلم وبضع مشاعر فقط ... فاتمني ان تعيشوا علي شواطئ تلك الحروف فقط
الأحد، 9 مارس 2014
شوار البنيه (عسوله سيدة القلم) قصه ,,,,,,,,,,,,,,,,,,,,,,,,,,,,,,,,,,,,,,,,,
البت كبرت الخطاب كل شوية يدقوا علي الباب وحميده طبعا
مبسوطه شويه وهتجوز البت والدار تتملي عليها بعد
ماقعدت كتير وحدانيه ...كل شوية ترفض في عرسان .من قبل
رفضت عزمي إابن إبو حامد..ومره مجاهد إبن مصلحي
..لغايه ماجي اخر العريس ولمحت ف عين بنتها زعل لو رفضت
...حطت ايديها علي خدها البت عايزاه> وكان السؤال
طيب إشورها إزاي ولا الناس تاكل وشي وتقول ماعارفه تجهز حته
بت. يا دي السواد طلعت قعدت ادام الدار . ومعاها
كوبايه الشاي الحبر ....وجت ست ابوها قعدت معاها...وقالت لها
بقولك ايه ماتحتريش..روحي لاخوكي واطلبي منه
قيراطين الارض بتوعك بيعيهم وشوري بنتك ..او هو يشتريهم
ويديكي فلوسهم هو مستولي عليهم من زمن .من
ساعه إبوكي ما مات .خلاص بقي يخلي عنده دم ولا بنتك اقل من
بناته عشان تتجوز وتتشور ...واذا كان علي العشا
بتاع العروسه والسبوع دارك مليانه طيور ..
زغتي دكرين البط وكبري الفراخ وتبقي قضيت.
والفطير بتاع الصبحيه عليهُ
..خدي نفسك وروحي لاخوكي داره بكره ...
شاورت لها بأديها ماعارفه توافق ولا ترفض ؟؟
وصحيت الصبح لفت الطرحه السوده علي راسها وهيه
بتقدم رجل وتاخر التانيه وراحت لاخوها ...قابلتها مراته بلويه
بوز زي العاده ..وجابت لها كوبايه شاي مغليه ميت
مره قبلها ...اترددت وهو بيقولها ياتري ايه رماكي حدنا النهارده
ياختي..ابتسمت وقالت له ياخويا البت جالها عريس ..
بص لها بجنب عينه .ماهو عارف هيه عايزة ايه وقالها ومستعجله
ليه يادوب عندها 15 سنه ابتسمت وقالت له ياخويا ماهي
نعمه بنتك اتجوزت وهيه 14...قام بقله ادب وقل لها انتي
عايزة ايه ..قالت له بمنتهي الخضوع وكأنها بتشحط منه
مش حقها ..القيراطين ياخويا محتاجهم ...ضحك وقالها البنت
مابتورث عندنا ده عرف وانت عارفاه..بكت وقالت له
بس ده مش شرع الله وحقي وربي في
سماءه ماهسيبه بنتي إولي بيه والظالم له رب قوي عليه
طلعت من عنده وراحت لابن فتحيه محامي ..قالت له
عايزة حقي ورثي من ابويا وامي وكنت ساكته عليه ..وبنتي
دلوقتي في حاجة اليه ..طلع القاضي عادل والحكم كان
عالطوال ....جوزت حميده بنتها واخوها ياعيني عليه ماكان
مصدق ان اخته وليه والدنيا نصفتها عليه
الشوار في الاصل كان واجب عليه ..ماهو الخال والد ..
بس الواجب ضاع من بين ايديه ...مبروك عليكي الشوار والدور
والباقي عليه....
رجعت تاني تقعد إدام الدار ولاد بنتها بيجروا في كل مكان حواليه..
توحعني (عسوله سيدة القلم) ::::
كما المتني الدنيا كسرتني انت
كما تسقط الامطار..وجعتني انت
بكل سهوله تفعل الاشياء
تغير الحالات
وتبدل العشق فأه منك ياسكات
احرمني من نظرتي اليك
بدلني بكل ساعأت العشق
وسافر واتركني ..ان انت حييت
فأه من لقائي بك
والف اه لو عنك انا افترقت
ان تألمت ..وان حتي صرخت
رحلت كل الاشياء وبقيت فقط انت
بين الاشياء(عسوله سيدة القلم) ؛؛؛؛
.gif)
بين ثنايا الفجر الموحش ...سكنت
وفي كاأس الخمر..انا ثملت
وفي دمع العين...تربيت
فأه من الدموع التي تحرق الخد
وفي عمق اللحد صرخت
والف اه تزلزل القلب
بين حشايا الوجع ...انا صرخت
اتمني دوما ياقلبي حضن
واتمني يد حانيه تطبب القلب
اه من كل الاشياء
والف اه تحبس صرخه تدوي
فرحمتك بقلبي يامن تهدي وجع القلب
بلا قيود(عسوله سيدة القلم) ..............
في عشقك كتبت الاساطير
وغفرت زلات كنت لها اسير
حطمت سنين فأصبحت ,بلا قيود
سافرت علي شراعك كالغدير
.
وسطع فجرا كان يوما وليد
في عشقك
...
اصبحت لعيونك اسيره
فكبلتني بلا قيود
وهدمت بيني وبينك كل السدود
وشيدت من نبضات قلبي عشقاٌ فريد
وسكنت احلامي ففاضت عيني وفاء
وكتبت سطورا سكنتها انت بكل اباء
وهممت ان احطم من بدءت بدونك هناك
عد كما كنت دوما ساكن الفؤاد
.
تحطم قــــــــــــــيودي
..
حطمها بكل استعلاء
وازرع في قلبي الحنين
فأنت حلمي ..قبل الرحيل
ارجوا فيه البقاء
.
رجــــــــــاء
حطم قــــــــيودي
...
وكن دوما رفـــــــيقي
.
وعاشـقي كن طوق ولكن بلا قيود
فانا دوما اعشق فيك الخلود
............................عســـوله
الاشتراك في:
الرسائل (Atom)