هتجوز يعني هتجوز (عسووله سيدة القلم) قصه

صحيت الصبح لقيت ماما مصممه اننا نتكلم حاولت افهمها اني عندي شغل

ومش فاضيه طيب ياماما خلي الكلام بعد الظهر ..بصت لي بنظره غريبه

 وقالت لي هو انا اصلا بتلم عليكي انتي بترجعي من الشغل تعبانه وهلكانه 

وتنامي وتصحي تتغدي وتقعدي علي المخروب 

اللي اسمه الكمبيوتر وانتي مش مركزه مع حد لازم نتكلم دلوقتي 

طبعا عرفت ان لا مفر من الكلام معاهاا رميت الشنطه جنبي وبصيت لها

ها خير يا ماما في ايه ...ماما ضحكت وقالت لي في عريس 

تاني يامااما عريس ايه ماقلت لك مش هتجوز كده ..لازم احب اللي 

هتجوزه مش واحد عايز اي ست والسلام انتم ايه ياماما مابتتغيروش

طبعا ماسكتت ماما وفكرتني بخيبتي لما حبيبت من كام سنه 

ورجعت اعيط..لانه كان اختيار غلط ...حاولت افهمها اني مش هتجوز

 

برضوا كده قالت لي لا ما تتغريش بجمالك انا كنت زي القمر زيك 

ما انت وارثه عني كل حاجه حتي العند ده برضوا مني بس شوفي بقي العريس ده

 لازم تقعدي معاه يمكن يابنتي يعجبك ماهو مش كل مره هنمشي عريس حتي من

غير ماتعرفي هو مين ..طبعا عشان اهرب من الموقف ده قلت لها طيب ياماما هفكر

 واتصل بيكي واقولك وسبتها وهربت عشان انهي المناقشه دي اللي عارفه انها كل كام شهر بتتجدد .

.الغريب ان الموضوع ده فضل منكد عليه طول النهار وانا في الشغل مش مركزه في

 اي شيئ غير ان ماما المره دي كانت جاده غير كل مره ..اليوم كان طويل بجد مابين اني برد

علي كذا تليفون وبين الورق اللي قدامي وذهني الشارد ..والشاي والقهوه اللي مابطلت اشربهم طول النهار

 ....ورجعت البيت بجد عندي صداع مميت 

مش متحمله من حد اي كلام ليه مش عارفه يمكن لان ماما من الصبح جددت عليه حكايه فشلي في 

قصه حبي القديمه ...المهم بعد المغرب كنت قاعده علي الكمبيوتر وعماله ادعي ان ماما ماتفتح معايا اي كلام عن الجواز

 والعريس وكل الموضوعات اللي بتعصبني دي لكن كل ده كان احلام لقيتها برضوا جت جنبي وقالت

 لي ها ياحبيبتي فكرتي ف يالموضوع طبعا انا استعبت وقلت لها موضوع ايه يا ماما ..اتعصبت عليه

وقالت يعني ايه موضوع ايه احنا اتكلمنا في ميت موضوع ..اطفي الزفت الكمبيوتر ده وركزي معايا 

قلت عريس لازم تشوفيه وتقعدي معاه يمكن يعجبك ..بصراحه استغربت جدا يعني ايه يمكن يعجبني

 طب لو عجبني اقنع قلب ازاي يحبه ..اصلي عارفه قلبي ابن ستين في سبعين عامل زي الطفل العنيد

مش سهل يقتنع وبعدين ده جواز وعشره ..يامااما ياحبيبتي انتي اتجوزتي عن حب اشمعني عايزة تحرميني من حقي ده 

بابا طلع علي صوتنا وقال ايه الخناق ده كله ..عريس تقولي اه او لا 

حبيبتي الموضوع مش غصب بس احنا عايزين نفرح بيكي ومحدش عارف هنعيش اد ايه حاولي

عشان خاطري تفكري ..وسابني ومشي فضلت ماما عماله تزن لا مفيش تفكير هو جي بكره ياخد معانا الشاي 

......ضحكت وقلت لماما اهو موضوع الشاي ده مجنني اشمعني الشاي ماينفعش يشرب نسكافيه .

.بس الضحكه ماعجبت ماما وقالت لا شاي ..ياماما يا حبيبتي طب ده اقعد اقوله ايه ويشوفني ليه يمكن ما

 اعجبوش تحطيني في الموقف الغريب ده ليه ...ماما بجد كانت شديده اوي وقالت لي اياكي تفتكري

 انك صغيره انتي قربتي علي ال30 ..يووووووه تاني ال30 ياماما الكلام ده قديم محدش بيفكر كده 

لا ياحبيبتي الكل بيفكر كده كل اصحابك اتجوزواو وعيالهم كبروا ودخلوا مدرسه الا انتي ..اااااااااااااااه 

يعني ياماما كأني عار وبتداروه  قالت لي لا ماتتعبيش نفسك مهما تقولي هتقابليه بكره 

كأني لا دخلت مدارس ولا جامعات ولا بتشتغل وليه منصب في شغلي ...رجعت بقدره قادر

 قرن بحاله ورا هتجوز يعني هتجوزدخلت سريري وانا مش عارفه اهرب منها ازاي ماما دي

 واتصلت بيه صاحبتي وقعدنا نفكر هطفش العريس ده ازاي اقوله ايه واعمل ايه 

وفي وسط تفكيرنا رجعت تاني افكر في قصه حبي القديمه اد ايه اتوجعت منها وامي كانت هيه الحضن

 ليه في الوقت ده وقالت لي ماتزعليش هو اصلا مايستهلكيش بكره تحبي تاني وتنسيه ..ماهي

ماما كان بينها وبين بابا قصه حب فعلا جميله وكانت فاكره ان الناس لسه بتحب كده ..قفلت الموبيل

ونمت يمكن كنت مغمضه عيني ..لكن كل شيئ فيه صاحي ..مش عايز ينام رافض اني اتجوز كده ..

وصحيت زي كل يوم لبست بسرعه وخدت الموبيل من الشاحن وشربت شاي وصبحت علي ماما

وطبعا وانا نازله مانسيتش تقولي معادنا بالليل ..بابا ضحك من ورا الجرنال وقالي سلام ياحبيبتي 

نزلت وانا بلعن اليوم اللي اتولدت فيه بنت ولازم تتجوز ومفيش حاجة حصلت في اليوم ده الا 

وانا اتعصب فيها من اول اشارات المرور لغايه الراجل اللي كل يوم يعاكسني ولا مل مني

 لغايه الساعي وهو بيجيب لي القهوه .كل شيئ ورجعت البيت وماما حضرت لي فستان تقولوا مثلا انا راحه المدرسه 

وبتحضر لي اليونيفورم ..قالت لي قله  زوق وانتي بتقابلي الناس مش مسموح تضتحكي بصوت

عالي مش مسموح تحكي عن صحابك علي الفيس اياكي ..بصيت لي باستغراب 

وقلت لها ماما انا قلت لك بلاش انا في القعده دي ماتقبليهم انتي 

قالتلي برضوا مفيش فايده فيكي والله لو عملتي ايه هتقابليهم 

يوووووووووووووووووووووووووه اعمل ايه ف الست دي حد يجي ياخدها مني وربنا ارمي

 نفسي من الشباك واريحهم مني خالص  طبعا الجرس ضرب وماما فتحت الباب الصوت وصلني 

,,اهلا ياحبيبتي اتفضلي دا احنا زارنا النبي  ياااااااااااااه ايه الكلام الغريب والمبالغ فيه ده

وطلعت انا لقيت عريس لابس بدله ونظاره هو وسيم صحيح بس مغرور..ولا كأنه شافني قابلني عادي جداا

ببرود غريب ...وقعد يحكي شويه حاجات وهو بيوجه كل الكلام لبابا اتغظت منه بجد ..وانتهت المقابله ...

اللي لفت نظري انه جايب معاه علبة شيكولاته من اللي انا بحبهت وكمان ورد من نفس نوع الجلاديوس اللي انا بعشقه ...

وتاني يوم الصبح ماما سلئتني علي رائي الغريبه اني لقيت نفسي بقولها 

.....................موافقه لازم افرجه ازاي يقابلني بكل الغرور ده

وهتجوز هتجوز ههههههههههههههههههههههه

.........................................عسوله سوله

تزعل الدنيا (عسووله سيدة القلم) ..

تزعل الدنيا بحالها ..الا انت

واما يوم ابكي بكيا يكون عليك ...

بـــــــــــس انت

اصل النور الشمس يشرق من جبينك..

ايـــــــــــــــوه انت

وكل يوم اجري واجيلك ...

عن عيون الناس اشيك

واصرخ بعلو الصوت انادي ..

افتح ايديه تحضن اديك

ايــــــــــــوه انت 

ما انت كل الدنيا ديه 

هــــــــيه انت

واما احلم ...تبقي حلمي 

ايـــــوه انت

اصلي حلمي مستخبي 

عن عيون الناس يداري

حـــــــــــزن قلبي

والضحكه اللي في حياتي 

هــــــــــــــيه انت

والغناوي اللي بعيدها 

لكي لوحدك

ايـــــــــــوه انت 

كون معايا ..كون كفايه

وكحًل عيوني بهمس الحكاوي

واما فجري يزين نهاري

ابقي نــــــــــــوري ..

واما ازين يوم عيوني

تبقي انت كحلها 

تبقي انت ظلها 

واما اسمع نبض قلبك 

تبقي انت حسها 

اصلك لوحدك في الدنيا كقايه

تزعل الدنيا بحالها .

الا انـــــــــــــــــت

اصلك انت لو زعلت..

كل همس الدنيا ديه بيختفي

كل فرحه ساكنه عنيه بتنطفي

يفضل ايه بعد حضنك 

انت قبل الخلق ديه تهمني

بعدك غناوي الدنيا ديه بتنطفي

اخدك بعيد عن عيون الناس بحالها

اعيش معاك فجري قلبي 

احقق معاك كل حلمي

وارجع واقول 

تزعل الدنيا بحالها ..الا انت

حتي لو كانت حوريه .(عسوله سيدة القلم) ,,,,

عارف انت ايه

انت كل لحظه حلوه

انت عمري .انت ضلي

واما يوم ابقي حزينه

تبقي انت كل بسمه تكون رقيقه

انت يوم الشمس تهرب تبقي ناري

واما يوم اشتاق اليك تبقي حضني

..........

......

انت نور الدنيا كله بين ايديه

فاكر لما كنت تشيل معايا كل همومك

واما تبقي عايز تفرح ..اكون خليلك

عارف انت ايه ..

ان دوايا لما الجرح يزيد في قلبي

انت نور عنيا لو سكني قلب غيرك 

عارف انت ايه 

اياك تقول اني حلمك .

اياك تقول اني عشقك 

امال انت ايه بالنسبه ليه ؟

دا انت كل فرحه يتمناها قلبي

انت كل لمسه تطبطب عليه 

انت نور الشمس يشقشق عليه

عارف انت ايه ..ولا لسه

انت اللي بخلع وياه همومي

اللي رأسي تشتاق لصدره

يحضني ويبوس كفوفي

انت راجل .كان حلم قلبي

وكل يوم بشتاق اليه 

ببقي عايزة اهرب مني ..ليه 

.

عارف انت ايه

انت اللي لو زعلت

بنطفي الضي في عنيه

حبك انت بصمته جوه الوريد

كل يوم الشوق معاك يبقي اكيد

امد ايدي جوه حلمك ..

اخطفك وابعد بعيد

طب وايه الحلم جنبك 

..

ياما كنت في الحلم معايا

تحتضني وتمشي الطريق

اجري عليك وابوس عنيك 

واصحي القي ايدي بتحضنك

 

اضحك عشان الشوق يزيد

\

عااااارف انت ايه

كنت ديما في قلبي راهب

دين جديد ...رسوله انت

 

وكل رواده انا 

...

بس قلبي مش قد العباده

كنت ديما عليه كتير

 

وكأن اسرار الدنيا بين ايديا

حتي يوم قلبي صارحك 

حاربت نفسي وقلت اجيلك

غمضت عيني وحكيت حكيني

كنت انتي نبض قلبي

واتحققت معاك الاماني

عرفت انت جوه قلبي تبقي مين

تبقي كل الغرام 

وابقي حبك بأفتنان

 

وابقي رسمك

 ..

ابقي سرك والسلام

عارف لو عايزه اقول ياحبيبي

ينطقها قلبي بكل هيام

 

يستغربوا كل الانام

ايه يكون العشق ده

شكلها ماتعرف هو مين

 

كل يوم بيحب واحده

كل يوم بيكون لواحده

ايوه عارفه

 

ايوه فاهمه

بس حبه جوه قلبي اكبر كتير 

اصلي قدره .

.

والغرام اللي في عنيه بس ليه

حتي لو كانت حوريه..

عيني ماتعرف تنام ..الا بيه

ولو ايده عايزة تحس

تبقي بس بين ايديه

اســـــــــــــالوه

وان كذب ..ماتصدقوه

 

عمر ما كان الحب بالصوره ديه

كل الاسمي الا اسمي تبقي عاديه

اما اسمي بيختلف 

طب اسألوه

هيه تبقي عندك زي مين

 

زي امه ..زي اخته

لا دا الكون انا

 ..

ايوه عارفه دي انانيه

بس انا في حبه بغير

 

يمكن كتير 

.حتي اسالوه

 

يوم عرف واحده غيري 

يوم عشق بالشكل ده

حتي لو كانت حوري؟؟؟

............................سوله سوله

يسألني من انا ( عسووله سيدة القلم ) ,,,,,,

من انا ..أنا جسرا يصلك الي الاحباب

نورا يضي لك الكون 

شمس تفتح لك الابواب 

ونسمه هواء في عز الصيف

وحراره شوق تدفئك في الشتاء

انا كل النساء 

ورفيقتك وحبيبه لك 

انا سهم من سهام العشق

انا انت ان اردت 

وانا البقاء والفناء

انا حبر قلمك يرافقك في الخلاء

انا دمعه في عين يتيم

واحساس لكل العشاق

انا حلما يصاحبك في صحوك

وبسمه دوما علي شفاهك 

اعرفت من انا

.,.......................سوله

رجل لا يجيد القراءه (عسوله سيدة القلم)

كتبت له بعض ابيات من الشعر ..قرءها ووضع الورقه بجانبه 

وتنفس سيجاره اللعين التي تسرقه مني دوما ...

وزاد اندهاشه ..وفوجئت برد فعله وسؤاله ..لمن تكتب 

تلك الكلمات..فكتمت غيظي منه ورددت بعض كلمات 

ولكن الي نفسي..ويحك ايها الغبي .تكاد الحروف تصرخ شوقا اليك 

تكاد الورقه تسمعك صوتي .اكل ذلك لم يصلك ..

فاعتدال في جلسته

وقال ايوجد امرأه تعشق كل ذلك العشق ..فأبتسمت 

بسخريه ولم اجب فاعاد السؤال لم تكتب تلك الكلمات الرائعه 

فضحكت وقلت له اكتبها الي راجل لا يجيد القراءه فظهر 

علي وجهه الحزن تخيلت انه غضب لاني لم اقول اني اكتبها اليه

ولكني للمره الثانيه اتيقن انني اخطأت ..فكل ما شغله انني قد

اضعت وقتي لرجل لا يستحق ...فأبتسمت له وهو يحكي

لي ضياعه في دنيا لا يجد فيها امرأه تعشقه ..يالك من غبي 

نبحث عني وانا بالقرب منك احقا انت قد اصابك العمي 

ولا تشعر بي ...من يمكنها ان تسعدك اكثر مني ..الم

تشعر بلهفتي عليك ...لم تسال نفسك عن سر اهتمامي بك

اكاد اتمزق من ذلك الغباء الذي يتسم به ..واتمني ان اقتلع

ذلك القلب الذي يسكن صدري ..لما ايها القلب عشقته؟؟

اي شيئ فيه يستحق واي عشق تتمني منه ...فأدرت وجهي

وانا اسمعه عن تلك التي تمناها ولم يجدها ...فادرت له ظهري

واخبرته اني قد اصابني وجع في رأسئ ويجب ان ارحل 

فاستأذن مني ان يحتفظ بورقتي التي كتبتها لرجل لا يجيد

القراءه ..فرفضت ذلك الطلب ..ومددت يدي واطبقت علي

 

تلك الورقه ..ومزقتها بعد ان خطوت بقدمي علي اول الطريق 

ودوست بقدمي علي اوراق اشجار وعلي قلبي المتشتاق 

الذي اكاد اسمع صوته يرجوني الرجوع اليه والاعترررراف..

♥♥<#<#